Police sa probinsya nakahanda magbulig sa BJMP agud matapna ang proliferation sang illegal drugs

ILOILO CITY – Ginaduso sang Iloilo Police Provincial Office (IPPO) ang pagbuligay sang tanan nga law enforcement agencis sa pagdakop sang tanan nga drug personality.
Sa interview sang Bombo Radyo kay Police Chief Inspector Aron Palomo, spokesperson sang IPPO, mapadasig ang pagdakop sang mga drug personalities kun nagabuligay ang tanan kag may nagakaigo nga koordinasyon sa baylo nga magtinudlu-anay sang kapaltahan.
Kun padayon ang pagtinudlu-anay sang kada law enforcement agency, padayon man ang pagduging sang illegal drug transaction ilabi pa nga nagabag-o man ang modus sang mga drug persoanlities.
Ang pahayag ni Palomo ang bilang sabat man sa hingyo ni JSI Abner Zamora sang Iloilo District Jail sa Nanga Pototan, Iloilo nga buligan sila kung may mga monitoring gid man ang mga police sang drug transactions sa sulod sang IDJ Facility kag maghimo sang nagakaigo nga coordination.