Nagpasalig ang gobyerno sang Poland nga wala sang dapat kabalak-an ang mga pumuluyo sa pamahog sang Russia nga pag-atake sa United States anti-missile base sa Redzikowo, Poland.
Ang warning sang Russia ang kasunod sang paghatag otoridad ni U.S. President Joe Biden sa Ukraine nga gamiton ang long-range American missiles batok sa Russian targets.
Suno kay Bombo Neva Intrepido Kessler direkta sa Poland, ginsiling ni Polish Defense Minister Wladyslaw Kosiniak-Kamysz nga masarangan sang Poland ang ano man nga potensiyal nga pag-atake sang Russia.
Nagbukas ang amo nga military base sang Nobyembre 13, matapos orihinal nga gin- commission ni former U.S. President Barack Obama sang 2009.
Kabahin sang American anti-missile shield, ini ang una nga permanent installation sang U.S. armed forces sa Poland.
