ESTADOS UNIDOS – Dako ang tyansa nga magdaog sang isa ka kandidato sa Estados Unidos kun madamo ini sang advertisement.
Sa report ni Bombo International Correspondent Pinoy Gonzales direkta sa Estados Unidos, iya ginpahayag nga kun damo kwarta ang isa ka kandidato masarangan sini nga mag pa advertise pinaagi sa radyo, telebisyon kag print media.
Samtang suno kay Gonzales, sa tion nga indi makuha ni US President Donald Trump ang Florida, panigurado nga dako ang tyansa ni US Presidential candidate Joe Biden nga magdaog bilang Presidente.
Kinahanglan lamang sini makakuha sang 270 electoral votes agud madeklara nga daog.
Kaangay sa Pilipinas, indi man mahinago nga may mga “goons” man sa Estados Unidos pahayag ni Gonzales.
