Gin-athag sang isa ka public law expert nga kinamatarong sang Senado nga makapatuman sang imbestigasyon nahanungod sa pagkadakop ni former President Rodrigo Duterte.
Sa interview sang Bombo Radyo kay Atty. Joenar Pueblo, Bombo Abogado, iya ginpahayag nga ang tikang ang isa ka palaagyan para sa legislation agud nga makahatag sang rekomendasyon.
Suno kay Pueblo, sa amo nga tion, may kapasidad ang mga senador agud nga ma-contempt ang isa ka indibidwal kon indi makasunod sa ginahingyo sang senado.
Ginpahayag man sang natungdan nga mahimo man nga isa ka political dynamic ang ginahimo ni Senator Imee Marcos nga amo ang nagpanguna sa imbestigasyon bangud man sa nagapapili ini bilang senador sa 2025 midterm elections.
Nagapati man ini nga indi manegar nga tubtob subong, may mga ukod nga nagasuporta sa anay presidente sang pungsod nga mahimo man rason kon ngaa ginpangunahan ni Senator Marcos ang imbestigasyon.
