Nagpanugyan ang political analyst nga magpa-iway na lang si Marinduque Rep. Lord Allan Velasco sa Speakership race.
Suno kay Rajit Rye, indi pang On-the-Job training ang House Speakership kag indi pa bastante ang ikasarang ni Velasco ipaanggid sa iban nga mga kandidato.
Mas maayo pa dugang sang natungdan nga magpa-iway na lamang si Velasco sa mga senior kag seasoned politicians nga may yara sang kwalipikasyon agud mangin manami nga lider sang Kamara.
Nagakadapat man nga ‘watch , listen and learn’ lang anay si Velasco sa Kamara kag indi na paghandumon ang posisyon bilang House Speaker.
Nahibaluan nga si Velasco ang two time congressman sa Marinduque.
Samtang posible naman nga sa Hunyo 28 na pangalanan ni Presidente Rodrigo Duterte ang suportahan niya nga mangin speaker sang Kamara.
