ILOILO CITY – Aprobado na ang 900 million pesos nga balor sang heart, lung kag kidney facility diri sa syudad sang Iloilo.
Sa interview sang Bombo Radyo kay Sen. JV Ejercito, chairman sang Senate Commitee on Health, iya ginpahayag nga balor 600 million kag 300 million ang ginpain para sa West Visayas State University Medical Center kag Western Visayas Medical Center sa syudad sang Iloilo.
Indi man mahinago suno kay Ejercito nga tama na ka gutok ang duha ka mga government hospital rason nga kinahanglan na nga pagatukuron ang extension facility.
Sakop sang pagatukoron nga heart, lung kag kidney facility diri sa syudad sang Iloilo ang bug-os nga rehiyon 6.
Bangud sini, indi na kinahanglan pa nga magdugok sa Metro Manila agud lamang nga magpabulong ukon magpaopera.
