Nagdiskusyon ang mga department heads sang Iloilo City Government kadungan sa ginpatigayon nga pagtalakay sang budget sang Iloilo City.
Sa interview sang Bombo Radyo kay Iloilo City Councilor Rex Marcus Sarabia, chairman sang Committee on Appropriations, iya ginpahayag nga ang pondo para sa City Mayor’s Office, nagbuhin sang ginabanta P100 million bangud sa yara lamang ini sa P1.8 billion subong nga tuig nga mas manubo sa P1.9 billion nga budget sang tinalikdan nga tuig.
Suno kay Sarabia, indi tuman ka dako ang pagsaka sang budget bangud man sa pagbuhin sang 40% sa real property tax sang syudad.
Ginalauman naman sang natungdan nga mangin manubo ang supplemental budget sa masunod nga tuig bangud man sa magamay nga excess collection kag savings.
Nagpasalig man si Sarabia nga yara sa ‘good financial condition’ ang Iloilo City apisar sang pagnubo sang mga koleksyon.
