ILOILO CITY – Ginabanta nga 50,000 ang magadugang sa populasyon sang Western Visayas ilabi na subong nga may yara sang Enhanced Community Quarantine.
Sa Good Morning Philippines Program, ginpahayag ni Commission on Population 6 Director Harold Alfred Marshall nga ginalauman na ang baby boom bangud nga ang kalabanan ang wala sang trabaho kag nagapabilin lang sa sulod sang balay.
Suno kay Marshall, indi matutukan sang gobyerno ang pagpanghatag sang family planning services ilabi na subong nga may pandemic.
Sa subong, ginpanubu-an sang Commission on Population sang 17% ang 91,000 couples nga target nga mahatagan sang family planning sevices.
Kalabanan sa mga mag-asawa nga may yara sang madamo nga anak ang yara sa manubo nga economic status ukon mga pigado rason nga kulang man sa gihapon ang ayuda nga ginhatag sang gobyerno.
Ang problema sa baby boom ukon hinali nga pagdamu sang populasyon suno sa natungdan ang isa sa mga dapat solusyunan sang gobyerno.
