Nag-abot na si Pope Francis sa Indonesia agud umpisahan ang iya 11 ka adlaw nga Asia kag Pacific region tour.
Sa iya pag-abot, ginbisita ni Pope Francis ang mga migrants kag refugees nga ginatatap sang Jesuit Refugee Service, amo man ang mga orphans nga ginaatender sang Dominican sisters kag ang mga tigulang kag masakiton nga ginabantayan sang Community of Sant’Egidio.
Ang pagbisita natabo sa apostolic nunciature kun sa diin ini magatinir samtang yara sa Indonesia.
Ginalauman nga magasentro ang mensahe ni Pope Francis sa importansiya sang pagpreserba sang paghiliusa sa pihak sang nagkalain- lain nga pagpati ukon relihiyon.
Ang schedule sang santo papa nagalakip sang interreligious meeting sa pinakadako nga mosque sa Southeast Asia kag oportunidad nga makaatubang ang mga Katoliko sa amo nga nasyon kag mabisita ang pila ka social kag charitable works nga ginapatigayon sa amo nga pungsod.
Magluwas sa Indonesia, plano man niya nga magbisita sa Papua New Guinea, Timor-Leste kag Singapore antes magbalik sa Roma sa Septyembre 13.
Upod naman ni pope sa amo nga pagbisita si Cardinal Luis Antonio Tagle, nga amo ang Vatican’s pro-prefect sang Dicastery for Evangelization.
