ILOILO CITY- Nagpalab-ot si Pope Francis sang iya pagpanginbulahan kay President-elect Ferdinand “Bongbong” Marcos Jr. antes ang iya inagurasyon.
Yari ang mensahe sang santo papa paagi kay Papal Nuncio Archbishop Charles John Brown:
“I send my congratulations and cordial wishes to Your Excellency as you begin your mandate as the President of the Republic.In assuring you of my prayers that you will be sustained in wisdom and strength, I invoke Almighty God’s blessings of peace and prosperity upon the nation.”
Sang Hunyo 10, nakigkita si Brown kay Marcos Jr. kun sa diin ila gin-istoryahan ang pagpapag-on sang relasyon sang simbahan kag gobyerno.
Ang Pilipinas puluy-an sang masobra 85 millio nga mga katoliko nga nagabug-os sang masobra 80 percent sang populasyon sang pungsod.
