Ginhatagan sang pasidungog sang soccer club sa iya dutang natawhan sa Buenos Aires, San Lorenzo de Almagro, si Argentina-born Pope Francis.
Sa amo nga club nagpabilin nga member ang football-loving head sang Roman Catholic Church sa sulod sang iya 12 ka tuig nga pagpamuno bilang santo papa.
Nagtipon ang mga fans sa kapital sang pungsod agud magpaalam sa pinakakilala nila nga myembro.
Suno kay San Lorenzo Club President Marcelo Moretti, nagbilin ang pope sang indi maguba nga legasiya kag siya ang ginakabig nila nga bugal.
Nag-agaw man sang atensyon nga ang numero sang club membership ni Pope nga 88235N-0 ang nagsibo man sa iya edad kag oras sang kamatayon.
Si Pope Francis ang napatay sa edad nga 88, kag las 2:35 sang kaagahon nga oras sa Buenos Aires naman siya napatay.
