Hugot nga gina-monitor subong si Pope Francis kun may yara ini sang sintomas sang COVID-19 bangud nakakitaay pa sila ni Cardinal Luis Antonio Tagle nga nagpositibo sa virus.
Agosto 29 sang nagkaupod ang duha sa isa ka pivate audience kag sang Setyembre 10 natukiban nga nag positibo sa COVID-19 si Tagle pag-abot niya sa Manila.
Suno kay Secretary of State Pietro Parolin, wala sang pagsalangisag nga nagakatabo subong sa Vatican apisar sa pagpositibo sa virus ni Tagle.
Nahibaluan nga umpisa pa lang sang pandemya, nagpakita na sang pagkabalaka kag kakulba ang Santo Papa sa kondisyon sang iya ikaayong lawas.
Sang damlag lang, nakit-an man si Pope Francis nga nakasuksok sang face mask sa labing una nga kahigayunan .
