Nakitaan sang gamay nga improvement ang kondisyon ni Pope Francis sa iya ika-11 nga adlaw sa pagtinir sa ospital bangud sa double pneumonia.
Base sa update sang Vatican subong nga kaagahon oras sa Pilipinas, kritikal gihapon ang 88-anyos nga Santo Papa apang may “slight improvement” na sa laboratory tests bangud wala sang natabo nga panibag-o nga “asthma-like respiratory distress.”
Ginbuhinan man ang flow kag percentage sang oxygen nga ginahatag sa iya sa therapy.
Ginsiling man nga indi dapat pagkabalak-an ang “mild kidney insufficiency” nga una gin-report kahapon sang kaagahon.
Pahayag pa sang Holy See, sang aga, nagbaton ang Pope sang Eucharist, kag sang hapon, nagbalik ini sa trabaho. Sa gab-i, nagtawag ini sa parish priest sa Gaza. Nagpasalamat man ini sa tanan nga tumuluo nga nagpangamuyo para sa iya ikaayong lawas.
Yari ang kabug-usan nga statement.
“The Holy Father’s clinical condition, despite its severity, has shown a slight improvement.
No episodes of asthma-like respiratory distress occurred today, and some laboratory tests have shown improvement. The monitoring of his mild kidney insufficiency has not raised any concerns. Oxygen therapy continues, although with slightly reduced flow and oxygen levels.
Given the complexity of the clinical picture, the doctors are prudently maintaining their cautious prognosis.
In the morning, the Pope received the Eucharist, while in the afternoon, he resumed his work.
In the evening, he called the parish priest of Gaza to express his paternal closeness.
Pope Francis thanks the entire People of God, who in these days have gathered to pray for his health.”
Ini na ang pang-11 nga adlaw sang Pope sa Gemelli Hospital sa Roma nga amo ang pinakamalawig nga pagtinir sa ospital sa sulod sang halos 12 ka tuig niya nga pagpangalagad bilang Santo Papa.
Base sa nauna nga press release sang Vatican, Sabado sang aga oras sa Roma sang nag-umpisa nga nangin kritikal ang kondisyon sang Pope kag nagkinanglan pa sang pagpatughong sang dugo bangud sa “prolonged asthma-like respiratory crisis”.#
