Naghatag si Pope Francis sang iya personal nga pondo nga nagdangat sa 350,000 euro ukon masobra 20.5 million pesos para sa emergency relief sa Haiti, Bangladesh kag Vietnam.
Suno sa Vatican, 200,000 euros ukon 11.7 million pesos ang nagkadto sa Haiti agud buligan ang mga apektado ang August 14 nga 7.2 magnitude nga linog nga nagbilin sang masobra 2,000 ka mga patay.
70,000 euros ukon 3.4 million pesos ang nagkadto sa Bangladesh para sa recovery assistance sa mga biktima sang Bagyo Yaas nga naglaslas sang Mayo kag nagwasak sang linibo ka mga balay.
100,000 euros ukon 5.8 million pesos ang ginpain naman sa Vietnam bangud kulang ang food supplies sa tunga sang COVID-19 pandemic.
Ini nga pondo ang inisyal pa lang suno sa Vatican kag ipanagtag paagi sa embahada sang amo nga mga pungsod.
