Nagpanawagan si Pope Francis sa mga pulitiko sa Lebanon nga mag-eleher na sang bag-o nga presidente sa labing-madali nga tion para nga makahulag na liwat ang mga institusyon ukon ahensya sang gobyerno.
Gin-isyu sang Santo Papa ang panawagan kasunod sang Sunday Angelus prayer sa Saint Peter’s Square sa Vatican.
Kinahanglan nga magbalik sa normal ang gobyerno suno kay Pope Francis kag masustiner ang papel sang pungsod bilang ehemplo sang “peaceful cohabitation” sa tunga sang nagkalain-lain nga mga rehiyon.
Nahibaluan nga nagtakop na ang termino ni Michel Aoun sa Lebanon sang Oktubre 2022, kag halin sang amo nga petsa, wala sang presidente ang pungsod.
Ang Hezbollah nga suportado sang Iran kag ang isa pa ka main bloc sa parliament ang pareho nga wala sang majority nga required sa pagpili sang head of state kag wala man sila nakahisugot kun sin-o ang mangin consensus candidate.
