ILOILO CITY – Sa pinakauna nga tion, nagasakay sa wheelchair si Pope Francis sa isa ka public event bangud sang sakit sa tuhod.
Ang 85 anyos nga Santo Papa ang ginkarga sa wheelchair pasulod sa Paul VI hall sa Vatican para sa isa ka meeting sang mga catholic organizations sang mga madre.
Naggamit siya sang wheelchair pagkatapos sang iya operasyon sa colon sang nagligad nga summer apang amo ini ang una nga tion nga nakuhaan siya sang litrato nga nagasakay sa wheelchair kag bukas sa mga media.
Ang Santo Papa ang nagasuprer sang sakit sa iya tu-o nga tuhod nga nag-cancel sang pila ka engagements kag nabudlayan ini nga maglakat.
Sang Myerkyules, ginbuligan ini sang iya assistant nga magpungko sa bangko sa St Peter’s Square.
Wala pa nakahatag ang Vatican sang detalye sang ginabatyag sang Santo Papa apang suno sa mga reports, nagasuprer ini sang chronic arthritis.
Apang suno sa Santo Papa, mapaidalom ini sa “intervention with infiltration”.
Ini ang may kaangtanan sa injection sa anti-inflammatories pakadto sa iya joint apang wala sang surgical intervention nga ginaplano.
Suno kay Pope Francis, ginabulong niya ang sakit sa iya tuhod pinaagi sang pagbutang sang ice diri kag pag inom sang painkillers.
