Base sa tradisyon, ang papal funeral ang isa ka elaborate affair, apang sa bahin ni Pope Francis, antes pa man siya napatay, aprubado na ang plano sini nga indi mangin komplikado ang seremonya.
Ang mga nauna nga santo papa ang ginalubong sa tatlo ka nested coffins nga human sa cypress, lead kag oak.
Ginpili naman ni Pope Francis ang simple nga lungon nga human sa kahoy nga nalinyahan sang zinc.
Gindula man niya ang tradisyon sang pagbutang sang lawas sang pope sa isa ka mataas nga raised platform nga ginatawag nga catafalque – nga ibutang sa St. Peter’s Basilica para sa public viewing.
Sa baylo, ang mga mourners ang imbitaran nga magduaw sa iya lawas sa sulod sang lungon.
Si Francis ang mangin una nga Pope sa sulod sang masobra isa ka siglo nga ilubong sa gwa sang Vatican.
Siya ang idul-ong sa ulihi nga palahuwayan sa Basilica of St. Mary Major, isa sa apat ka major papal basilicas sa Roma.
Ang basilica isa ka simbahan nga nahatagan sang special significance kag privileges sang Vatican.
Ang major basilicas may yara sang partikular nga koneksyon sa Pope.
