Nagpanugyan si Pope Francis sa mga Katoliko sa Estados Unidos sang Amerika nga magpili na lang sang “lesser evil” sa November presidential elections.
Wala partikular nga ginmensyonar sang Santo Papa ang pangalan nanday anay anay U.S. President Donald Trump sang Republicans kag Vice President Kamala Harris sang Democrats apang ginpahayag sini ang ila polisa kag gender gani nga halangpon man gihapon kun sin-o ang iya ginatumod nga mga kandidato.
Wala nanamian si Pope Francis sa duha gid ka kandidato bangud pareho sini nga ginmuno ang plano ni Trump nga pag-deport sang minilyon ka immigrants kag ang suporta naman ni Harris sa kinamatarong sa abortion.
Suno sa Santo Papa, ang indi pag-abi-abi sa immigrants ang makabig nga daku nga sala, samtang ang abortion naman ang mapaanggid na suno sa iya sa asasinasyon.
Daw kaangay nga patas sanday Harris kag Trump sa mata sang Santo Papa bangud pareho suno sa iya nga “against life” ang ila himuon nga pagsulundan.
“Whether it is the one who is chasing away migrants, or the one who that kills children,” pahayag sini. “Both are against life.”
Apisar sini, nagpahayag ang 87-anyos nga Pope nga indi maayo kun wala nagaboto gani dapat magpili gihapon ang US Catholics kun sin-o ang ila padag-on nga presidente.
“You must choose the lesser evil,” pahayag sini. “Who is the lesser evil? That lady, or that gentleman? I don’t know. Everyone, in conscience, (has to) think and do this.”
Ini nga pahayag ang ginhimo sang Pope samtang nga nagahana na ini nga magbiya sa Singapore pabalik sa Roma kasunod sang iya 12-ka-adlaw nga byahe sa Southeast Asia kag Oceania.
Nahibaluan nga ginabanta nga 52-million ang American Catholics kag ginalantaw nga crucial swing voters. Sa battleground states lakip na sa Pennsylvania kag Wisconsin, Katoliko ang masobra 20% sang adults.
1.4-billion ang mga Katoliko sa bilog nga kalibutan kag ang leader nga si Pope Francis ang masami gid nga nagahalong sa pagbalanse kaangot sa national political elections. Apang masami sini nga ginapakamalaot ang abortion nga isa sa ginadumilian sa Catholic teaching. Masami man sini ginapakamalaot ang anti-immigrant rhetoric ni Trump; halimbawa, sang 2016, gintawag sini nga indi Kristyano ang Republican leader sa iya mga ideolohiya.
