Ginhingyo ni Pope Leo XIV sa presidente sang Israel nga buksan liwat ang tanan nga banas para sa dayalogo agud nga mauntat na ang gyera sa Middle East.
Pareho nga ginkumpirma sang opisina sang Santo Papa kag ni President Isaac Herzog nga nag-istoryahanay ang duha paagi sa telepono.
Suno sa statement nga gin-release sang Holy See Press Office, “during the conversation, the need to reopen all possible channels of diplomatic dialogue was reiterated, in order to put an end to the serious ongoing conflict, with a view to achieving a just and lasting peace throughout the Middle East.”
Samtang nagpadayon ang diskusyon suno sa Vatican, ginhatagan sang igtalupangod ang importansya sa paghatag sang proteksyon sa civilian population kag sa pagtib-ong sang respeto para sa international kag humanitarian law.
Sa statement naman sang opisina ni Herzog, ginsiling nga na-istoryahan man nila sang Santo Papa ang Iranian missile attacks sa Jerusalem nga nagtupa sa areas nga balaan para sa mga Kristiyano, Muslims, kag Jews.
Gin-istoryahan man suno sa opisina ni Herzog ang sitwasyon sa Lebanon kun sa diin naga-away ang Israel kag ang Hezbollah terror group nga nag-intra sa gyera sa Middle East sang damlag lang.
Pebrero 28 sang nagsugod ang tensyon sang Iran, US, kag Israel nga subong naglapta na sa bilog nga rehiyon. Pila ka beses naman nga nagpanawagan ang Santo Papa sang ceasefire.#
