Ginpili ni Pope Leo XIV si Cardinal Luis Antonio Tagle bilang bag-o nga titular bishop sang Albano sa Italya.
Antes sini, si Pope Leo XIV mismo ang nagauyat sang amo nga posisyon antes siya nangin Santo Papa.
Ang Diocese sang Albano nga nahamtang malapit sa Roma, isa sa pito ka suburbicarian sees nga tradisyonal nga ginahatag sa mga cardinal bishops ang pinakamataas nga ranggo sa sulod sang College of Cardinals.
Antes siya ginpili sa Suburbicarian Church sang Albano, si Cardinal Tagle naga-serbi bilang presidente sang Interdicasterial Commission for Consecrated Religious humalin pa sang Disyembre 8, 2019.
Nagserbe man siya sadto bilang ika-32 nga Arsobispo sang Manila halin 2011 tubtob 2020.
Sa subong, si Tagle ang nagserbe man bilang Presidente sang Catholic Biblical Federation, Grand Chancellor sang Pontifical Urbaniana University, kag miyembro sang nagakalain-lain nga departamento kag dicasteries sa Roman Curia.
Ginkilala si Tagle bilang isa sa mga “papabile”, ukon posible nga mangin kahalili ni Pope Francis.
Isa siya ka karismatikong moderate nga wala nagapangduha-duha sa pagbatikos sa mga kakulangan sang Simbahan, lakip na ang isyu sang sekswal nga abuso sa mga menor de edad.
Si Tagale ang ginkilala sa bansag nga “Chito,” gin-appoint siya bilang cardinal ni Pope Benedict XVI sang tuig 2012.
