Gina-engganyo ni Pope Leo XIV ang mga katoliko nga himuon nga inspirasyon ang bugay ni Hesukristo kag magserbe sa mga tawo sa marginalized sectors kadungan sang selebrasyon sang Cebu sang ika 461 nga Kapistahan ni Senor Sto Nino.
Sa sulat nga ginpadala ni Cardinal Pietro Parolin, tiglikom sang Estado sang Vatican, nagapangamuyo ang Santo Papa nga ang kapistahan subong nga tuig mangin kahigayunan para sa mga katoliko nga padayon nga mangin anak sang Diyos.
Ginsulat ni Pope Leo XIV ang mensahe para sa mga Augustinian sa Minor Basilica sang Santo Niño sa Cebu bilang pagselebrar sang kapistahan sang Sto. Niño.
Bag-o mangin ika-267 nga Papa, si Robert Cardinal Prevost OSA ang nagbisita sa Cebu sang tuig 2004 bilang Prior General sang mga Augustinian sang una.
Nahibaluan nga ang Kapistahan ni Señor Sto. Niño, isa ka importante kag makasaysayan nga tradisyon sa Cebu, ginaselebrar kada Enero bilang pagpasidungog sa imahe sang Sto. Niño.
