Naghatag sang pahayag si Pope Leo XIV sang iya handum nga sundon ang yapak ni Pope Francis bilang lider sang Simbahang Katolika.
Ginpasidunggan niya si Francis bangud sang bug-os nga dedikasyon sa pag-alagad kag ginpahayag nga ang pagpili niya sang pangalan nga “Leo” nagapakita sang iya pag-commit sa mga isyu sosyal.
Si Robert Francis Prevost ang natawo sa Chicago kag ang una nga Amerikano nga napili nga papa, amo ang ika-267 nga Santo Papa sang Simbahan.
Sa iya una nga pagsaysay bilang lider, ginpakilala niya ang iya kaugalingon bilang indi nagakadapat nga tagapagmana ni San Pedro, kag ginpasidunggan man niya ang simple nga nga pangabuhi sang iya ginasundan.
Ginpili niya ang pangalan nga Leo XIV bilang pagtamod kay Pope Leo XIII, isa ka papa sang ika-19 nga siglo nga kilala sa pagbato sa mga katungdanan sang mga mamumugon.
Suno sa iya, mas nagakinahanglan ang kalibutan sang ensakto nga pagtudlo sa sosyal sang Simbahan ilabi na sa panahon sang teknolohiya kag artificial intelligence.
Ginpanawagan man niya sa Simbahan nga buligan mapabalik ang pagtuo sang mga katawhan.
Isa ka Augustinian kag gin-appoint nga kardinal ni Pope Francis sang 2023, si Papa Leo XIV ang indi pa kilala nga sang madamo nga mga tumuluo antes ang conclave, apang madamo naman ang nagalaum nga siya ang magabulos kay Pope Francis bilang Santo Papa.
Subong nga adlaw, magapahayag siya liwat sa mga tumuluo gikan sa balkon sang St. Peter’s Basilica para sa Regina Coeli nga pangamuyo.
Ginalauman man nga makipagkita siya sa mga foreign diplomat kag manguna sa iya inauguration mass sa Mayo 18 sa St. Peter’s Square kun sa diin nga ginapaabot nga tambungan sang mga lider sang bug-os nga kalibutan kag linibo ka mga peregrino.
