Nagpaandam si Pope Leo XIV sa posible nga kunsekwensya sang artificial intelligence (AI) sa intellectual development sang mga kabataan.
Sa iya mensahe sa ginpatigayon nga Rome Conference on AI, ginplastar sang Santo Papa nga daku ang mabulig sang AI sa pag-develop sang pila ka sektor kaangay sang healthcare kag scientific research.
Apang nagpabutyag ini sang kahangawa sa malain nga epekto sini sa kabataan ilabi na sa kun paano nila hangpon ang reyalidad sa kabuhi.
“AI, especially Generative AI, has opened new horizons on many different levels, including enhancing research in healthcare and scientific discovery, but also raises troubling questions on its possible repercussions on humanity’s openness to truth and beauty, on our distinctive ability to grasp and process reality,” pahayag sang Pope.
“No generation has ever had such quick access to the amount of information now available through AI,” kabahin pa sang mensahe sini sa business leaders, policymakers kag researchers sa tuigan nga conference. “But again, access to data — however extensive — must not be confused with intelligence.”
Nahibaluan nga si Pope Leo ang nangin target man sang deep fake videos kag audio messages nga ginpalapta sa social media sang naeeleher siya nga Santo Papa. Naka-publish ini sa YouTube kag TikTok pages kag naga-broadcast sang AI-generated messages nga nagapapati sa publiko nga ini ang matuod nga mensahe sang Pope sa lenggwahe nga English ukon Spanish.
Sang tion ni Pope Francis, ginpangunahan anay sang Vatican ang Rome Call for AI Ethics nga pirmado sang Microsoft, IBM, United Nations, Italy kag universities kun sa diin ginaduso ang transparency kag pagtahod sa privacy sang iban nga mga tawo.
