Nagpalab-ot sang simpatiya kag naghalad sang pagpangamuyo si Pope Leo XIV para sa mga biktima sang magnitude 6.9 nga linog sa Cebu.
Base sa Catholic Bishops Conference of the Philippines (CBCP), nabaton ni Cebu Archbishop Alberto Uy ang mensahe sang Santo Papa paagi kay Apostolic Nuncio to the Philippines Archbishop Charles John Brown.
“The Apostolic Nuncio to the Philippines, Archbishop Charles John Brown, called me to convey the Holy Father’s heartfelt sympathies for all the survivors of the earthquake, and his prayers for the eternal repose of the victims,” suno kay Uy.
Nagpasalig man ang Santo Papa sa mga tumuluo sang iya nga espirituhanon nga pagpakig-upod samtang nagabatyag sang kasubo ang mga tawo kag samtang nagatinguha nga makabangon.
Sa latest report sang Office of Civil Defense (OCD), nagsaka na sa 73 ang kumpirmado nga patay sa linog.
Nagtakop naman ang ginpatigayon nga search, rescue, and retrieval operations.
Martes, Septyembre 30, sang natabo ang linog nga suno sa Philippine Institute of Volcanology and Seismology amo ang pinakamabaskog nga linog sa northern Cebu.
Nagdangat naman sa masobra 3,000 ang na-rekord nga mga aftershock.
