Gin-apelar sang lider sang Simbahan Katolika nga magpatigayon sang ceasefire sa Middle East sa labing-madali nga tion.
Ginhinambit ini ni Pope Leo XIV pagkatapos sang weekly Angelus prayer sa St. Peter’s Square.
Suno sa Santo Papa, ini nga mga kalakasan indi gid sarang makadala sang hustisya kag kalinong nga amo kuntani ang kinahanglanon sang mga tawo sa rehiyon.
Ginlaragway sang Pope nga masingki nga gyera ang naagyan sang katawhan sa nagligad nga duha ka semana.
Diri na kag ginpanawagan sini nga sa ngalan sang mga Kristyano sa Middle East kag sa tanan nga katawhan nga dapat nga may ceasefire na sa tunga sang mga pungsod nga amo ang nagsugod sang kinagamo.
Linibo suno kay Pope Leo XIV nga mga inosente nga mga kabuhi ang nadula, kag madamo man ang napilitan nga magbiya anay sa ila nga balay.
“Thousands of innocent people have been killed, and many others have been forced to abandon their homes. I renew my prayerful closeness to all those who have lost their loved ones in the attacks that have struck schools, hospitals, and residential areas,” suno kay Pope Leo.
“I hope for paths of dialogue that can support the country’s authorities in implementing lasting solutions to the serious crisis underway, for the common good of all the Lebanese people,” dugang sini.
Ini na ang ikatatlo nga semana sang regional tension nga nagsugod halin sang nag-atake ang US kag Israel sa Tehran nga ginbalusan naman sang Tehran. Wala pa sang anuman nga negosasyon nga ginapatigayon as of press time.#
