Nagpanawagan liwat si Pope Leo XIV sang ceasefire sa Gaza kadungan sang iya ikaduha nga general audience sa St. Peter’s Square sa Vatican.
Nag-apelar man ang Santo Papa sa Israel kag Hamas militants nga magtahod sa international humanitarian law. Pahayag sini, dapat nga hilwayon na ang nabilin pa nga mga bihag.
“From the Gaza Strip,” pahayag sang Pope, “we hear rising ever more insistently to the heavens, the cries of mothers and fathers who clutch the lifeless bodies of their children, and who are continually forced to move about in search of a little food and water and safer shelter from bombardments.”
Duha ka semana ang nagligad matandaan nga naglunsar ang Israeli military sang bag-o nga opensiba sa
area nga sentro na nga daan sang gyera halin sang October 2023.
Nag-apelar man ang Pope nga tapuson na ang gyera sa Ukraine.
Ginmuno sini ang bag-o nga mga atake batok sa mga sibilyan kag impastraktura sa Ukraine inadlaw halin sang ginhimo man sang Russia ang pinakadaku nga aerial attack sa maragtas sang tatlo ka tuig nga gyera.
“I pledge my closeness and prayers for all the victims, especially children and families,” suno sa Santo Papa.
Nahibaluan nga ini na ang ikatatlo nga semana sang pagpungko ni Pope Leo XIV bilang lider sang Roman Catholic Church.
Pila ka beses naman sini nga ginhinambit sa iya mga speech ang panawagan sa pag-untat sa gyera — bagay nga masami man anay ginapangabay ni Pope Francis antes ini napatay.
