Nagapanawagan si Pope Leo XIV sa international community nga pabaskugon ang pagbinuligay agud nga mapunggan ang paglapta sang Ebola outbreak sa Democratic Republic of the Congo.
Suno sa Santo Papa , importante nga malakip ang mga local community sa mga tikang nga ginapatigayon sang mga natungdan nga ahensya agud malikawan ang nasambit nga sakit.
Pahayag sang Santo Papa, nagatuyo man ini nga aktwasyon agud madamo nga mga kabuhi ang maluwas.
Nahibaluan nga base sa report, masobra 2,500 na ang napatay bangud sa outbreak.
Suno naman sa United Nations officials, naglapta na ini sa dako nga bahin sang central African country kun sa diin naka-record sang madamo nga numero sang na-infect kag napatay.
Ini na ang ika-17 nga Ebola epidemic sa DR Congo kun sa diin sang nagligad nga Hulyo nalagpasan sini ang una nga record sang kumpirmado nga kaso sa outbreak sadtong 2018 tubtob 2020.
