Nakigkita ang mga Hollywood stars nga sanday Oscar-winners Cate Blanchett kag Spike Lee kay Pope Leo XIV sa Vatican City.
Ginpahaya sang Santo Papa nga ang sinehan isa ka “workshop of hope” samtang naga-kabalaka naman ini sa naganubo nga tumlan-aw sa sinehan.
Nakigkita man sa Santo Papa sanday Monica Bellucci sang Mary Magdalene sang “The Passion of the Christ kag si Adam Scott sang Parks and Recreation kag Severance amo man si Sergio Castellitto sang Conclave.
Suno kay Pope Leo, ang sinehan nagahatag sang paglaum kag lugar sa mga tawo agud ila pa gid makilala ang ila kaugalingon.
Ginpakigbahin man sang Santo Papa ang iya mga paborito nga pelikula kaangay sang It’s a Wonderful Life (1946), The Sound of Music (1965), Ordinary People (1980), kag Life is Beautiful (1997).
Ginahikayat man sini ang mga institusyon nga indi magsuko sa ila ginabuhat, kundi magbinuligay sa paghatag sang importansya sa sosyal kag kultural nga misyon sang kaangay nga buluhaton.
