Pila sa mga pork retailers kag traders ang magapatigayon sang “pork holiday” sa tion nga mapatuman na ang price ceiling sa baboy kag manok.
Suno kay Ricardo Chan sang Manila Meat Dealers Association, indi sila anay magbaligya sang baboy kadungan sang 60 ka adlaw nga implementasyon sang price cap agud nga malikawan ang kapiyerdehan kag penalidad.
Nahibaluan nga nagmandu sang Pebrero 1 si Presidente Rodrigo Duterte sa pagpatuman sang price cap sa mga baboy kag manok sa sulod sang 60 ka adlaw sa National Capital Region bangud sa mataas nga presyo.
Ang price ceiling ang mangin epektibo na sa Pebrero 8.
