Ginpaidalom sa surgical lockdown ang porsyon sang 29 ka mga barangay sa syudad sang Iloilo.
Ini ang nag-umpisa las 6:00 subong nga gab-i, Septyembre 6 kag magalawig tubtob Septyembre 9.
Sa interview sang Bombo Radyo kay Mr. Jeck Conlu, spokesperson sang COVID-19 Team sang Iloilo City Government, iya ginpahayag nga santo sa resulta sang reverse transcription polymerase chain reaction (RT-PCR) test humalin sang Agusto 30 tubtob Septyembre 4, 2021, natukiban nga sa 29 ka areas nagikan sa siyam ka distrito sang syudad, padayon nga nagadugang ang kaso sang virus.
Suno kay Conlu, agud mapunggan ang clustering of cases, istrikto nga limitahan ang hulag sang mga tawo sa kada barangay nga i-lockdown.
Padayunon man suno sa iya ang contact tracing kag swab testing.
