ILOILO CITY – Nagguba na ang porsyon sang balay ni Task Force on Moral and Values Formation Head Nestor Canong nga nagalaksam sa dalan sang Barangay Railway Lapaz, Iloilo City.
Sa interview sang Bombo Radyo kay Mr. Fernando Jose “Boyet” Rico, Executive Asssistant for Barangay Affairs, iya ginpahayag nga sa ginpatigayon kahapon nga clearing operations sa nasambit nga barangay, natigayon nga maguba ang pipila ka mga balay kag porsyon sang mga balay sa Railway, LaPaz, Iloilo City sa bulig man ni Cesar Capillan, officer-in-charge sang Panay Railways Inc.
Suno kay Rico, madamo sang mga illegal settlers kag wala sang lease contract halin sa Panay Railways Inc. rason nga nagbulig si Capillan agud nga matigayon nga ma demolish ang mga balay.
Apang ginsiguro man ni Rico nga antes gub-on ang mga balay, may yara sang lugar nga masaylohan ang mga apektado.
Samtang nagpabutyag naman si Rico sang pagkadismaya sa iban nga mga Punong Barangay sa syudad sang Iloilo bangud may yara sa gihapon nga mga lugar nga ginapabay-an na lamang ang mga salakyan, tricycle kag motorsiklo nga mag illegal park.
