Gindemolish na lang ang nabilin nga porsyon sang condo building sa Miami, Florida nga nagcollapse para sa safety sang mga tawo samtang nagapalapit sa Florida ang bagyo Elsa.
Wala na sang nabilin nga tawo sa Champlain Towers South sang gin-umpisahan ang pagpalupok.
Matandaan nga Hunyo 24 sang nagcollapse ang porsyon sang building sa diin 24 ka tawo ang patay kag 121 pa ang missing.
Pagkatapos sang demolition, liwat nga nagbalik ang crew para sa pagpangita sa mga biktima.
Nagalaum ang search and retrieval teams nga mahimo na nila makit-an ang mga nabilin nga missing.
Una nga ginpahayag ni Mayor Charles Burkett nga may yara sang peligro nga nadala ang mga mabaskog nga hangin nga magtuga sang dugang nga peligro sa kabuhi sang tawo ilabi na sa mga search crews.
Ang “controlled implosion” ang ginplanuhan sang maayo agud nga indi maapektuhan ang mga residente malapit sa lugar.
Tubtob subong, indi sa gihapon maathag kun ano ang nangin kabangdanan sa pagcollapse sang 40 anyos nga condo building.
