Ginakahangaw-an sang mga motorista ang ila nga safety sa pagbyahe matapos nag-usmod ang porsyon nga dalan sa idalom sang Ungka Flyover.
Sa interview sang Bombo Radyo kay Roberto Torrecampo, driver sang jeep, iya ginpahayag nga nagakalong-kalong na ang iya salakyan kun maglabay sa amo nga lugar bangud madalom ang usmod.
Naga-reklamo man ang pila sa mga pasahero suno sa iya bangud nagakabunggo ang ila ulo kun indi makontrol sang driver.
Mahimo man malikawan ang luhob-luhob suno sa iya, apang delikado ini kun may mga kadungan man nga salakyan nga nagadali.
Nagpaandam man ini sa risgo nga dala sang usmod sa mga naga-drive sang motorsiklo ilabi na kun gab-i ilabi na kun bag-uhan pa lamang sa paglabay sa amo nga porsyon sang dalan.
Ginpalab-ot naman sang Bombo Radyo ang problema sa Department of Public Works and Highways.
