Ginbuyagyag sang isa ka residente nga ang pila ka porsyon sang duta nga nasunogan sa Magsaysay, La Paz, Iloilo City ang ginapanag-iyahan ni former Iloilo City Mayor Jed Patrick Mabilog.
Sa interview sang Bombo Radyo kay Panfilo Aguillar, residente sang nasambit nga lugar, iya ginpahayag nga una na nga nabakal sang isa ka bangko ang amo nga lupa.
Apang, natumod man gilayon nga ang manager sa amo nga bangko amo ang utod ni Mabilog.
Suno kay Aguillar, masobra sa walo ka mga pamilya ang nagapuyo sa duta kon sa diin, nalakip man sa nagluntad nga sunog.
Ginklaro man sang natungdan nga wala ginkodalan ang duta kag wala man nakapadulong sa lugar si Mabilog agud kuhaon ini.
Una na nga ginpahayag sang Iloilo City Social Welfare and Development Office (CSWDO) nga Katunga sang duta ni Mabilog amo ang Iloilo Provincial Government.
