𝗠𝗜𝗔𝗚𝗔𝗢, 𝗜𝗟𝗢𝗜𝗟𝗢 — Narumpag ang porsyon sang seawall sa Barangay Guibongan, Miag-ao, Iloilo, bangud sa mabaskog nga balod nga dala man sang hangin-habagat.
Sa interview sang Bombo Radyo kay Mr. Franco Monteclaro, Head sang Miag-ao Municipal Disaster Risk Reduction and Management Office (MDRRMO), iya ginpahayag nga wala man sang may nasamaran nga indibidwal bangud malayo man ang mga panimalay ang seawall.
Suno kay Monteclaro, 20 metros ang porsyon sang sea wall nga nag-collapse kag posible nga may yara na sang naga-eksister nga crack rason nga madasig ini nga narumpag.
Ginpahayag man sini nga ginhulugan na sang concrete blocks sang kontraktor sang seawall agud nga indi na madugangan pa ang guba kag maproteksyonan batok sa mabaskog nga balud.
Gin-athag man sang natungdan nga ang proyekto ang iya sang Department of Public Works and Highways (DPWH) Region 6 kag tubtob subong still ongoing kag wala pa matapos.
