ILOILO CITY — Ginaduso sa karon sa Iloilo City Council ang pagpasirado sang Valeria St. halin sa corner Rizal pakadto sa corner Ledesma City Proper.
Sa ginaduso nga ordinansa, saraduhon sa mga salakyan ang amo nga portion sang dalan las singko sang hapon tubtob las onse sa gab-e.
Sa pahayag ni Atty. Hernando Galvez, City Administrator mangin prayoridad ang mga daan na nga mga nagbaligya sa lugar sa diin sa record sang City Government, may anom ka mga manugbaligya nga nagabuhi sang gab-e paagi man sa pagnegosyo sang inasalan.
Sa gina duso nga ordinansa, pagahatagan sang tag 30 sq. meters nga pwesto ang mga magabaligya sa lugar.
Para naman kay Punong Barangay Woodie Delariarte sang Brgy. Kauswagan City Proper, welcome development gid ang ginduso nga proyekto.
Apang dapat man tun-an sang maayo ang nahinambitan nga lihok tungod may mga sector mannga maapektuhan suno pa kay Delariarte.