Ginabantayan sang bug-os nga Estados Unidos kun liwat nga makuha ni US President Donald Trump ang mayorya sang swing states ukon ang mga estado sa amo nga pungsod nga indi pa mapat-od kun Democratic ukon Republican presidential candidate ang mangibabaw.
Matandaan nga sang 2016 elections, nalutos ni Trump ang iya kasumpong ng si Hillary Clinton matapos niya gindominar ang swing states sa electoral college votes.
Suno kay Bombo International Correspondent Arnel Noel Gellado direkta sa Texas, USA, indi pa subong matumod kun paboran liwat sang swing states si Trump apisar nagapanguna na ang Democratic candidate nga si Joe Biden sa national polls sa presidential election.
Apisar sang nagagwa sa survey, nagapati si Gellado nga indi pa conclusive ang resulta bangud magluwas sa natabo sa maragtas sang Estados Unidos kun sa diin daku ang tsansa nga lain ang resulta sa polls ipaanggid sa electoral college votes, daku man nga factor para sa mga American citizens ang mga ginapatigayon nga debate.
Apang kun may yara sang posible makapapierde kay Trump suno kay Gellado, posible nga ini ang dala sang iya pagdumala sang COVID-19 response sa amo nga pungsod kun sa diin narekord ang pinakamataas nga COVID-19 cases sa bug-os nga kalibutan.
