Positibo ang feedback sa pag-host sang siyudad sang Iloilo sa ASEAN Ministerial Meeting.

ILOILO CITY – Sa interview sang Bombo Radyo Iloilo, ginpahayag ni Atty. Helen Catalbas, regional director sang Department of Tourism (DOT) Region 6, wala gid sang may ginreklamo nga kakulangan ang mga delegado nga nagtambong sa pag-host sang siyudad sang isa ka semana nga Ministerial Meeting.
Madamo man suno sa iya ang nagpahayag nga magabalik sa Iloilo kag mabisita man sa probinsya sang Guimaras kag pagadal-on ang ila pamilya.
Nangin maayo man suno kay Catalbas ang kooperasyon sang publiko kag sang nagkalain-lain nga organizing coomittee, gani nangin madinalag-on ang hosting.
Na-showcase man sa aktibidad ang mga luto kag produkto gikan sa siyudad kag probinsya sang Iloilo.
Ang mga Muslim delegates, wala malikawan nga magkuha sang pagkaon gikan sa buffet apisar nga gin-preparahan ang mga ini sang ila separado nga pagkaon.
Gindayaw man sang mga delegado ang hospitality sang mga Ilonggo kag ang pagka-masinadyahon, sa diin makita nga masami nagayuhom ang mga taga-Iloilo.