ILOILO CITY – Nadugangan sang tatlo ang kumpirmado nga positibo nga kaso sang coronavirus disease 2019 (COVID-19) sa Western Visayas.
Santu sa ginpagwa nga COVID-19 record sang Department of Health Region 6 subong nga gab-i, Abril 1, naglab-ot na sa 25 ang kabug-usan nga numero sang kaso sa rehiyon.
Ang nagdugang nga kaso amo ang mga masunod:
1. WV 23 — isa ka 62 anyos nga lalaki halin sa Bacolod City, napatay sang Marso 31, kag may close contact kay WV 7;
2. WV 24 — isa ka 66 anyos nga lalaki nagikan sa Aklan, yara na estable nga kondisyon, nagapaidalom sa isolation, kag may close contact kay WV 8; kag,
3. WV 25 — isa ka 44 anyos nga babayi nagikan sa probinsya sang Iloilo; yara na sa estable nga kondisyon, nagapaidalom sa isolation, kag may close contact kay WV 16.
Sa kabug-usan, yari ang summary of cases sa Western Visayas:
AKLAN — 5
ANTIQUE — 0
CAPIZ — 3
GUIMARAS — 0
ILOILO PROVINCE — 7
NEGROS OCCIDENTAL — 1
BACOLOD CITY — 6
ILOILO CITY — 3
