Ginakalipay sang pamunuan sang Iloilo City Public Order and Safety Management Office (POSMO) ang pagsunod sang mga flower vendors sa patakaran sa una nga adlaw sang ila baligyaanay.
Sa interview sang Bombo Radyo kay JV Mabilog, acting head sang Public Order and Safety Management Office, iya ginpahayag nga may kabug-usan nga 333 ka mga flower vendors ang rehistrado agud nga makabaligya subong nga tuig sang Pista Minatay.
Suno kay Mabilog, mas mataas ang nasambit nga numero kon ikumpara sa 320 ka mga registered flower vendors sang nagligad nga tuig.
Nagpasalig naman ang natungdan nga ang enforcement sang ila team kag talatapan ang ’round the clock’ nga naga-monitor agud mapabilin nga matalunsay ang pagbakal sang mga customer.
Ginpahayag man sini nga kon may bayolasyon ang vendors nga malapas sa ila pagsulundan, mahimo nga ikumpiskar sang talatapan ang ila mga balaligya.
