Ginkumpirma sang Public Safety Order and Safety Management Office (POSMO) nga indi na makita ang ginapasuni leader sang nag-vandalize sang portalets sa Sunset Boulevard.
Ginapahayag man nga ang indibidwal ang may record na sang vandalism sa Arevalo.
Sa interview sang Bombo Radyo kay Retired Police Colonel Uldarico Garbanzos, head sang Public Order and Safety Management Office, iya ginpahayag nga nagpadulong sila sa Brgy. Balabago, Jaro kag gintudlo sila sa area sang Sta. Fe apang liwat man sila ginbalik sa Balabago.
Suno kay Garbanzos, wala na gid nakit-an ang presensya sang ginaalegar leader.
Samtang, sang ginsekyar sang talatapan ang record sang amo nga persona sa Arevalo, nagaguwa nga kapareho gid sa logo nga ginhimo sini sa Sunset Boulevard.
Natukiban man nagakapareho sa logo sang gang nga Slick kag TBK.
Gin-athag man sini nga tuyo lamang nga maklaro sa amo nga persona kon siya gidman ukon may dugang nga pa nga indibidwal ang nag-vandalize sa portalets.
Una na nga nagtanyag si Mayor Jerry Treñas sang ₱15,000 nga reward sa sin-o man nga makadakop sa akto sa mga indibidwal nga nagahimo ang bandalismo sa mga propedad sang syudad.
