Mahimo nga magkaangkon ang isa ka indibidwal sang post traumatic disorder bangud sa paggamit sang palupok ilabi na sa pagselebrar sang bag-ong tuig.
Sa interview sang Bombo Radyo kay Dr. Rodney Labis, Chief sang Health Service Division sang Iloilo Provincial Health Office, iya ginpahayag nga ang post traumatic disorder isa ka balatian nga madasig nga nagakulbaan kon makabati sang lupok.
Suno kay Labis,ang mga naka-eksperysensya naman sang injuries bangud sa palupok, mahimo makaangkon sang bag-o nga psychological effect.
Indi lamang psychological bangud posible man sa iya physical nga lawas ilabi na kon may nautod ukon napilasan.
Ginpahayag man sang natungdan nga mahimo makaangkon sang social anxiety disorder ang nautdan sang parte sang lawas bangud man sa kahadlok sa mangin pana-awan sang iba.
Nagpanugyan man ang natungdan sa publiko nga kon mahimo, indi na pagtudlo-an ang mga kabataan nga maggamit sang palupok sa kada pagselebrar sang bag-ong tuig agud indi na makaangkon sang mga nasambit nga kahalitan.
