Indi dapat suno kay Senador Imee Marcos pag-gamiton ang postponement sang Barangay kag Sangguniang Kabataan Elections agud nga indi pagdayunon ang masunod nga election sa pungsod, ilabi na ang 2028 elections.
Maathag sa layi suno kay Marcos nga wala sang gahom ang kongreso nga magtalana ukon magpalawig sang termino sang mga local kag national officials.
Nagpaandam man si Marcos sa posibilidad sang no-election scenario sa 2028, ilabi na suno sa iya nga may tion nga ginatiko ang layi.
Sa matandaan nga una nga nag-file ang senadora kaangot sa postponement sang Barangay kag SK Elections subong nga tuig.
Sang tuig 2022, siya man ang sponsor sa pagduso sang pag-postpone sang Barangay kag SK Elections.
Samtang, tuig 2024 siya man ang nagtalana sang bag-o nga termino para sa mga opisyales sang barangay kag subong nga tuig nag-file man siya sang Senate Bill No. 2067 nga mismo may tinutuyo nga i-postpone anay ang November 2026 BSKE.
