ILOILO CITY – Madamu sang pamaagi agud nga mapasangkad ang public speaking skills sang isa ka tawo.
Sa pagpaathag ni Ken Lerona, Public Relations and Marketing Practitioner, paagi sa Bombo Radyo, ang public speaking ang ginagamit sang tanan nga tawo sa pang adlaw-adlaw nga pagpangabuhi paagi sa pagpaambit ukon paghatag sang impormasyon sa isa ka tawo.
Kun kaisa suno kay Lerona, ang paghambal sa ‘listening audience’ ang nagatuga sang kakulba sa isa ka public speaker.
Agud nga malampuwasan ang kakulba, dapat nga may yara sang tul-id nga ihibalo sa topiko ang isa ka public speaker kag indi lang magsalig sa pagbasa sang script.
Magluwas diri, nagakadapat ang man nga hibaluon kun ano ang katuyu-an sang pagpalapnag sang impormasyon, hibaluon ang sanday sin-o ang ‘listening audience’ agud nga mabagay man ang topiko nga igapatpat, nagakadapat nga may yara sang confidence ang isa ka public speaker, nagakadapat nga lunsay ‘facts’ ukon kamatuoran ang kaundan sang topiko kag kinahanglan man nga mangin ‘creative’ ang isa ka public speaker agud nga makuha ang atensyon sang publiko.
Kadungan sini, ginpahanumdum man sang natungdan sa tanan nga ang sobra nga confidence kun kaisa ang may mala-in man nga epekto sa personalidad sang public speaker.
Agud nga ini ang malikawan, kinahanglan nga likawan ang paglahog tuhoy sa mga sensitibo nga butang kasubong sang relihiyon kag estado sa pagpangabuhi sang isa ka tawo kag dapat hibaluon kun san-o dapat magbuya sang lahog.
Importante man nga ang ginasuksuk nga bayo sang isa ka public speaker ang nagasanto sa okasyon kag sa lugar nga pagahiwatan sang programa.
