ILOILO CITY- Gin-athag sang Police Regional Office-6 nga ila ginatungdan ang supporting role sa mga local government units sa pagpatuman sang road clearing operations 2.0 sang gobyerno.
Sa interview sang Bombo Radyo kay Pol. Lt. Col. Joem Malong, tagpamaba sang Police Regional Office 6, iya ginpahayag nga katungdanan nila nga magpabilin sang peace and order kun ginapatuman ang clearing operation sang mga local government units.
Suno kay Malong, may iban man nga katapo sang kapulisan nga deputized sang Land Transportation Office agud mag-isyu sang citation tickets sa mga violators sang traffic laws.
Apang suno kay Malong, sa bilog nga rehiyon , 240 gid lang ang deputized sang Land Transportation Office.
Sa subong, ila na ginahikot ang deputization sang dugang nga police personnel para sa pagpatuman sang mga layi kag ordinansa sa mga dalanon.
