Lima ka mga grupo ang magapaindis-indis sa Sinamba sa Regatta 2025 nga isa sa highlights sang Iloilo Paraw Regatta Festival 2025.
Sa interview sang Bombo Radyo kay Mr. John Lex Bayombong, Chairperson sang Iloilo Paraw Regatta Festival, iya ginpahayag nga magapasundayag ang Grupo Bailarines del Manduryaw, Grupo Del Oeste, Grupo Ilonggo de Saltatores, Grupo Danza Forteza, kag Grupo Baile de los Obreros sa kompetisyon.
Suno kay Bayombong, 90-porsyento na nga handa ang mangin venue sang kahiwatan.
Magasugod naman ang sailing event sang Paraw Regatta sa Marso 1, 2025.
Samtang, magapasakop man ang anom ka mga participants sa Paraw lechon contest kon sa diin, mahimo man matilawan ang unlimited lechon baboy.
Iparada man ang lechon nga maluto kon sa diin, may mga dalan sa syudad nga mahimo ipasirado.
