Ikonsidera lamang ang travel ban sa United Kingdom kun may yara na sang community transmission sang new coronavirus strain sa pungsod.
Ini ang ginpahayag ni Department of Health Sec. Francisco Duque III kadungan sang ginpatigayon nga special meeting kaupod si Presidente Rodrigo Duterte kag mga myembro sang Inter-Agency Task Force.
Apang gin-athag sang DOH nga ang ginatumod ni Duque amo ang mga pungsod nga may mga reported cases sang new variant kag indi lamang sa United Kingdom.
Una nga na-detect ang new coronavirus strain sa United Kingdom kag ginapatihan nga ini ang mas infectious sang 70% ipanggid sa nauna nga covid strain.
Pila naman ka mga pungsod ang nagpatuman sang travel ban sa UK lakip na ang Canada, Italy, Turkey, Switzerland, kag Germany.
Samtang ang Pilipinas ang nagsuspend sang flights halin sa UK umpisa sang Disyembre 24 .
Baliskad sa rekomendasyon ni Duque, gin-aprubahan ni Presidente Duterte ang extension sang travel ban sa tanan nga flights gikan sa United Kingdom sang duha ka semana pagkatapos sang Disyembre 31.
Ini naman ang nangin rekomendasyon ni Presidential Spokesperson Harry Roque.
