MANILA – Gin-athag ni Presidente nga indi Martial Law ang ginapatuman nga enhanced community quarantine sa Luzon.
Sa iya mensahe sa Malacañang, ginpahayag ni Presidente Duterte nga ginadeklarar lamang ang Martial Law kun may yara sang rebelyon kag kun nakataya ang public safety.
Suno kay Presidente Duterte, ang deklarasyon sang enhanced community quarantine sa Luzon ang para sa kaayuhan sang kadam-an bangud nga ini ang isa ka paagi agud nga indi maglapta ang virus.
Ginpahayag man ni Presidente Duterte nga ang law enforcers lamang ang otorisado nga magbitbit sang armas bangud nga sila ang may katungdanan sa pagbantay kun ginasunod gid man ang community quarantine.
Kun tani suno sa Presidente, indi pagkabigon nga Martial Law ang ginapatuman nga lihok sang gobyerno may kaangtanan sa pagtapna sang Coronavirus Disease 2019 (COVID-19).
Sa subong suno sa natungdan, virus ang ginakabig nga kontra rason nga wala sang Martial Law declaration sa pungsod.
