MANILA – Gin-engganyo ni Presidente Rodrigo Duterte ang tanan nga maghugpong kag magpangamuyo agud nga matapna na ang paglapta sang Coronavirus Disease 2019 (COVID-19).
Sa iya mensahe sa Malacañang, ginpahayag ni Presidente Duterte nga labaw sa tanan nga armas amo ang pagpangamuyo agud nga indi na maglala ang krisis sa pungsod.
Suno kay Presidente Duterte, nagakadapat nga pangamuyu-an ang kaugalingon, ang isig ka tawo kag ang gobyerno nga malapuwasan ang pagtilaw.
Ginpahayag man ni Presidente Duterte nga magluwas sa pangamuyo, sundon kun ano man ang panugyan sang gobyerno agud nga madasig ang pagtapna sang nasambit nga virus.
