Gin-congratulate ni Presidente Rodrigo Duterte si Department of Environment and Natural Resources Sec. Roy Cimatu sa developments sang Manila Bay.
Ini bangud sa ginbutang nga dolomite sand nga nangin attraction sa pila ka mga Pilipino.
Suno kay Presidente Duterte, nangin matinlo ang Manila Bay bangud sa pagpanikasog ni Cimatu.
Magluwas nga nangin matinlo, nag-enjoy pa ang mag Pilipino pahayag niya bangud sa white sand.
Dugang pa sang presidente, may yara gid sang may makita nga sala ang mga kritiko sa tanan nga ginahimo sang gobyerno.
Nahibaluan nga ginpakamalaot sang pila ka mga environmentalists kag fisherfolks groups ang nasambit nga proyekto sa diin ila ginpahayag nga usik lang ini sa kwarta kag gintawag nga artificial rehabilitation lamang ang ginhimo sang administrasyon.
Sang damlag lang, nagpabutyag sang pagkabalaka ang Department of Heath matapos nga gindagsa sang madamo nga tawo ang Manila Bay agud masaksihan ang white sand.
